Oinarri hauetan araututako laguntzen onuradunak izan ahalko dira Basauriko udalerrian zabalik dauden dendak edo ostalaritza- zein zerbitzu-establezimenduak, baldin eta herriko EJZren erroldan alta emanda badaude. Udalak egiaztatu beharko du baldintza hori bete egiten dela; eta, horretarako, eskatzaileak baimena eman beharko dio erakundeari, aurkeztutako eskabide-orrian bertan.

Lege-arrazoiak tarteko Basauriko EJZ erroldan izena emanda egon ez, baina Basauriko Udalak emandako jarduera-lizentzia badaukaten denda, ostalaritza-establezimendu eta enpresek ere bat egin ahalko dute ekimenarekin.

Bonu-mota bi egongo dira, bakoitza bere gastu-ahalmenarekin: 

• 4 euroko bonuak, 6 euroko gastu-ahalmenarekin
• 10 euroko bonuak, 15 euroko gastu-ahalmenarekin

NAN/IFZ/AIZ bakoitzeko, guztira 60 €-ko balioa duten bonuak erosi ahalko dira, gehienez. Bonu horiek ezingo dira eskudiruagatik trukatu; eta dagokion zenbatekoa ez da itzuliko, inolaz ere.

Beraz, gastua 6 edo 15 €-koa edo handiagoa izan beharko da. Eta, gastu-ahalmen desberdina duten bonuak konbinatuz gero ere, guztiak gehitzearen emaitza den zenbatekoa edo gehiago gastatu beharko da, bonuak erabili ahal izateko.

• Establezimenduak 10 langile baino gutxiago izatea eta Basauriko udal mugartean egotea.
• Laguntzak emateko unean herri administrazioekiko zerga-zorrik ez izatea, eta, era berean, egunean egotea Gizarte Segurantzarekiko obligazioetan. Merkataritza Atalak egiaztatuko du, ofizioz, ea Basauriko Udalarekiko zerga-zorrik daukaten ala ez.
• Bete beharreko formaltasunen kalterik gabe, Basauriko Udalak egoki iritzitako edozein dokumentazio gehigarri eskatu ahalko du, edozein unetan, egiaztatzeko enpresa eskatzaileak ezarritako baldintzak betetzen dituela. Ez dira aintzat hartuko, ez onartuko, aipatutako baldintzak betetzen ez dituzten entitateek aurkeztutako eskabideak.

• Basauriko Udalari berariaz jakinaraztea datuetan ematen den edozein aldaketa; bereziki, eskatzailearen helbideari dagozkionak, jardueraren gainekoak eta banku-datuei buruzkoak.
• Konpromisoa hartzea publizitate-materiala establezimenduan jartzeko, ondo ikusten den toki batean.
• Konpromisoa hartzea bezeroei erosketaren faktura sinplifikatua edo erosketa-txartela emateko, non agertu beharko den zein modutan ordaindu den (alegia, bonuarekin pagatu dela).
• Konpromisoa hartzea fakturaren kopia bat gordetzeko, jasotako bonuarekin batera.
• Udalak interesgarritzat jotzen badu, kanpainaren erdian eta eragindako establezimenduei jakinarazi ondore, bonuen %50 gutxienez erabili gabe dutenei bonoak kenduko dizkiela onartzeko konpromisoa hartu du. Era berean, webgunearen bidez bonu gehiago eskatzeko aukera eskainiko du, berenak agortu eta gehiago erosi nahi duten establezimenduentzat.
• Bonua erosten dutenei eskudirurik ez itzultzea, erositakoaren eta bonuaren balioaren artean aldea badago.
• Establezimendu bakoitzak finkatzea bonu bidez eskuratutako ondasunak itzultzeko politika, epeari eta itzulketa egiteko moduari dagokionez.
• Bonu bat edo birekin eskuratutako produktua itzuliz gero, diruz lagundutako zenbatekoa eskudirutan ez bueltatzea: aukera egongo da itzuli nahi den produktua establezimendu bereko beste produktu batekin ordezteko, edo, bestela, erosleak benetan ordaindutako zenbatekoa itzultzeko. Kasua hori denean, Udalari jakinarazi beharko zaio dagozkion bonuak baliogabetu egin direla, eta establezimenduak jasotako zenbatekoa itzuli beharko dio Udalari.

Ematen diren laguntzak ez dira itzuli behar izango.

Diruz lagundutako zenbatekoak ordainduko dira programara atxikitako pertsona fisiko edo juridikoaren izenean.